2024-ին և 2025-ի ընթացիկ ամիսներում գեղեցկության սրահերում, ադ թվում մատնահարդարման ծառայություններ իրականացնող, իրականացվել է 192 ստուգում: Այս մասին ի պատասխան Zarkerak.am-ի գրավոր հարցման հայտնեցին Առողջապահությա ն և աշխատանքի տեսչական մարմնից:

Արձանագրվել է 121 խախտում, որոնք հիմնականում վերաբերել են պարտադիր բժշկական զննությունների համար սահմանված կարգին, վիրուսայի հեպատիտ Բ-ի դեմ պատվաստումներն և օգտագործվող գործիքների ախտահանմանը, նախամանէազերծման մշակմանը և մանրեազերծմանը ներկայացվող պահանջներին:Հարուցվել է 8 վարչական վարույթ, որից 5-ը՝ քաղաքացիների դիմումների հիման վրա, 3-ը՝ տեսչական մարմնի նախաձեռնությամբ:

Հայտնեցին նաև, որ տեսչական մարմինը վերահսկողություն իրականացնում է ստուգումների և վարչական վարույթների միջոցով: Վարչական վարույթներ իրականացվում են ներկայացված դիմումների հիման վրա կամ Տեսչական մարմնի նախաձեռնությամբ՝ «Վարչարարության հիմունքների և վարչական վարույթի մասին» ՀՀ օրենքով սահմանված կարգով: Վերահսկողության ընթացքում Տեսչական մարմինը պարզում է օրենսդրությամբ սահմանված պահանջների պահպանումը:

Ըստ ԱԱՏՄ-ի, ինչպես ստուգումների, այնպես էլ վարչական վարույթների արդյունքում խախտումները վերացնելու նպատակով տրվել են կարգադրեր և սահմանվել են սեղմ ժամկետներ՝ դրանք վերացնելու համար: