«ՔՊ կուսակցությունը 2026 թվականի խորհրդարանական ընտրություններում դիմելու է ժողովրդին Հայաստանի կառավարման մանդատը ևս հինգ տարի երկարացնելու հարցով: Մեր բոլորի շանսերի մասին գնահատականը կտա ժողովուրդը: Այդ մարդիկ 2025 թվականի հունվարին ամեն օր գուժում էին, որ պատերազմ է լինելու, ես ասում էի՝ Հայաստանի և Ադրբեջանի միջև չի լինելու պատերազմ, լինելու է խաղաղություն»,-լրագրողների հետ զրույցում անդրադառնալով երկրորդ նախագահ Ռոբերտ Քոչարյանի հայտարարություններին՝ ասաց վարչապետ Նիկոլ Փաշինյանը:

Անդրադառնալով 2021 թվականի ընտրություններին ընդառաջ ընդդիմության հայտարարություններին՝ Փաշինյանը նշեց. «2021 թվականի ընտրություններին էլ ասում էի՞ն, որ իրենք պարտվելո՞ւ են ընտրություններում, ՔՊ-ն հաղթելո՞ւ է, նրանք ամբողջ համոզվածությամբ ասում էին, որ իրենք հաղթելու են ընտրություններում, եղավ այն, ինչ եղավ, հաղթեց ժողովուրդը: 100 տոկոս կարող եք վստահ լինել, որ 2026 թվականի ընտրություններում հաղթելու է ժողովուրդը»: