«2021-ից Նիկոլ Փաշինյանն իր օրակարգից հանել է գերիների ու անհետ կորածների հարցը». Թագուհի Թովմասյան
«Անհետ կորած զինծառայողների հարազատներն են այստեղ հավաքվել, նրանք պահանջում են պաշտոնանկ արված Արմեն Աբազյանի վերադարձը, որովհետև նրա հետ են կապում իրենց կորած որդիների վերադարձը»,- դատարանի բակում ԱԺ պատգամավոր Թագուհի Թովմասյանի հետ զրույցում նկատեց լրագրողը: «2021-ի հունվարից անհետ կորածների որոնողական աշխատանքները դադարեցվել են, դրա մասին տեղյակ է Նիկոլ Փաշինյանը և գործնական որևէ քայլ չի կատարել անհետ կորածներիհ հարցը բանակցային գործընթացներում ներառելու համար: Ես այդ ժամանակ Մարդու իրավունքների հանձնաժողովի նախագահն էի, բազմաթիվ գրություններ եմ ուղարկել և՛ նաև իրեն, և՛ միջազգային կատույցներին, որ հասկանանք` վերջը ե՞րբ են սկսվելու որոնողական աշխատանքները: 2021 թվականից Նիկոլ Փաշինյանը փակել է այս հարցը, իր համար` որպես քաղաքական օրակարգ, այս հարցը գոյություն չունի: Այնպես, ինչպես հետագայում փակեց գերիների հարցը: Անգամ «խաղաղության պայմանագրում» այդ հարցը ներառված չէ»,- փաստեց Թովմասյանը:
