Քարոզարշավի հերթական օրը ՀՀ վարչապետ Նիկոլ Փաշինյանն ու «Քաղաքացիական պայմանագիր» կուսակցության անդամները շրջայցեր են կատարում Երևանում ու մարզերում:

ՀՀ վարչապետն ու մի շարք կուսակցականներ Շիրակի մարզի Մաստարա համայնք են այցելել, որտեղ չնայած հորդառատ անձրևին ու կարկուտին՝ քաղաքացիները հավաքվել են վարչապետին լսելու:

Կառավարության ղեկավարը բնակիչներին խնդրել ու հորդորել է տուն գնալ, չթրջվել անձրևի տակ:

«Այ ժողովուրդ ջան, մի՛ թրջվեք, գնացեք տուն, ես էստեղ կխոսեմ, դուք ուղիղ եթերով կլսեք: Հասկացանք՝ առողջապահության ապահովագրություն կա, բայց գնացեք, մի՛ հիվանդացեք»,- ասել է վարչապետը:

Ի պատասխան՝ քաղաքացիներից մեկն ասել է, թե անձրևից փախչել պետք չէ․ անձրևը բարիք է:

«Այո, բարիք է, վերջապես գարուն տեսանք: Մաստարայի անձրևը ուրիշ է»,- ասել է վարչապետը: