Panorama.am-ը գրում է․ Դպրոցի պատշգամբի փլուզման հետևանքով երեխաներ են վիրավորվել

Սևաստոպոլում պատշգամբի փլուզման հետևանքով տաս երեխա է վիրավորվել։ Նրանք տարբեր ծանրության վնասվածքներով բժշկական օգնություն են ստանում։ «ՌԻԱ նովոստի» -ի փոխանցմամբ, դեպքի մասին հայտնել է նահանգապետ Միխայիլ Ռազվոժաևը։

«Այսօր թիվ 13 դպրոցում երկրորդ հարկի պատշգամբ է փլուզվել։ Նախնական տեղեկությունների համաձայն՝ վիրավորվել են 10 երեխա, որոնք դուրս էին եկել պատշգամբ լուսանկարվելու»,-Max հարթակում գրել է Ռազվոժաևը։

Նա հավելել է, որ դեպքի վայրում են բոլոր անհրաժեշտ շտապօգնության ծառայությունները, երեխաները բժշկական օգնություն են ստանում, իսկ վիրավորները տարբեր ծանրության վնասվածքներով տեղափոխվում են հիվանդանոց։

«Մենք կհետաքննենք միջադեպի պատճառները։ Բոլոր հանգամանքների վերաբերյալ մանրակրկիտ հետաքննություն կանցկացվի, պատճառները կպարզվեն, և կձեռնարկվեն բոլոր անհրաժեշտ միջոցները», -հավելել է նահանգապետը։