Հայաստանում հունիսի 7-ին կայանալիք խորհրդարանական ընտրությունների նախընտրական քարոզարշավի շրջանակում մայիսի 23-ին արձակուրդում գտնվող ՀՀ վարչապետ, «Քաղաքացիական պայմանագիր» կուսակցության վարչության նախագահ Nikol Pashinyan այցելել է Երևանի Ավան վարչական շրջան։

Լրատվամիջոցների փոխանցմամբ՝ Փաշինյանի գլխավորությամբ կուսակցության ներկայացուցիչները շրջել են Ավանում, թռուցիկներ են բաժանել, լուսանկարվել բնակիչների հետ և կոչ արել մասնակցել խորհրդարանական ընտրություններին։

«Պետք է գնալ ընտրական տեղամասեր և տեր կանգնել խաղաղությանը՝ քվեարկելով 16 համարի օգտին։ Այդ քվեարկությունը չպետք է և չի կարող լինել պարտադրված կամ վճարված։ Քվեարկում ենք, որովհետև պետք է տեր լինել պետությանը, խաղաղությանը և Հայաստանի ապագային»,- նշել է Փաշինյանը։

Իր ելույթում նա ընդգծել է, որ այսօր Հայաստանում բոլոր որոշումները կայացնում է ժողովուրդը։

«Սա այսօրվա Հայաստանի և մեր թիմի քաղաքական գործունեության առանցքն է։ Այն պահին, երբ ժողովուրդը որոշի, որ ես պետք է հեռանամ, ես կհեռանամ՝ առանց քննարկման։ Եթե 700 հազար մարդ՝ ընտրողների 50+1 տոկոսը, ասի՝ Նիկոլ մնա, ես կմնամ։ Եթե մարդիկ ասեն՝ գնա, ես չեմ մնա, որովհետև իշխանությունը պատկանում է ժողովրդին»,- ասել է նա։

Մայիսի 8-ին Հայաստանում մեկնարկել է նախընտրական քարոզարշավը, որը կշարունակվի մինչև հունիսի 5-ը։ Ընտրություններին գրանցվել է 19 քաղաքական ուժ՝ 2 դաշինք և 17 կուսակցություն։