Այսօր ևս մեկ անգամ արձանագրվեց․ Բաքվի ու Մոսկվայի երկար տարիների պահանջը չի կատարվելու, արտատարածքային միջանցք չի լինելու։

Այս մասին սոցցանցի իր էջում գրել է «Իրազեկ քաղաքացիների միավորում» ՀԿ ծրագրերի համակարգող Դանիել Իոաննիսյանը։

«Օգոստոսի 8-ին դա ստորագրվեց Իլհամ Ալիևի հետ՝ Դոնալդ Թրամփի վկայությամբ, իսկ այսօր՝ Մարկո Ռուբիոյի հետ։

Վերջ, թեման փակ է։ Շնորհակալություն ուշադրության համար»,- գրել է նա։

Ավելի վաղ հայտնել էինք, որ «Հայաստանի Հանրապետության և Ամերիկայի Միացյալ Նահանգների միջև «Թրամփի ուղի՝ հանուն միջազգային խաղաղության և բարգավաճման» նախագծի (TRIPP) վերաբերյալ ռազմավարական համագործակցության մասին շրջանակային համաձայնագիր է նախաստորագրվել։