Նախորդ տարի հոկտեմբերի 27-ին Գեղարքունիքի մարզի Ծափաթաղ գյուղում անհետացել էր 3-ամյա Տիգրան Օվանեսովը։ Օրեր անց, նոյեմբերի 2-ին, ժամը 15-ի սահմաններում Ծափաթաղ բնակավայրի հարակից դաշտամիջյան հատվածում փրկարարները հայտնաբերել էին երեխայի դին՝ մարմնի, գլխի շրջանում մարմնական վնասվածքներով։

 

Այս ողբերգական միջադեպից հետո 3-ամյա Տիգրան Օվանեսովի 3 եղբայրները և քույրը տեղափոխվեցին ՀՕՖ, իսկ նրանց մայրը գնաց հայրական գյուղ՝ Կախակն։

 

Ծափաթաղի վարչական ղեկավար Դավիթ Գզողյանն այսօր 168.am-ին փոխանցեց, որ երեխաների մայրն արդեն վերադարձել է Ծափաթաղի իր տուն։

 

«Տիգրանի մայրը՝ Փառանձեմը, գյուղ է վերադարձել, բայց երեխաները շարունակում են մնալ ՀՕՖ-ում։ Այս շաբաթ պետք է սոցիալական աշխատողներն այցելեն տուն, ուսումնասիրեն, հասկանան՝ ինչ փոփոխություններ կան, որպեսզի իրենք էլ հասկանան՝ երեխաներին ՀՕՖ-ից տուն բերե՞ն, թե՞ ոչ։ Եթե ամեն ինչ լավ լինի, հավանաբար երեխաներին ՀՕՖ-ից կտեղափոխեն մոր մոտ»,- նշեց Դավիթ Գզողյանը։Նրա խոսքով՝ այս պահին երեխաների մայրը չի աշխատում, տանը միայնակ է ապրում, նրան որոշակի օգնություն ցուցաբերում է համայնքապետարանը։

 

«Մեծ հնարավորություններ չունի, որպեսզի հաճախ այցելի իր երեխաներին, այստեղ էլ ենք փորձում օգտակար լինել, եթե երեխաների մնալը ՀՕՖ-ում պետք է երկարաձգվի, կօգնենք, որ հաճախ այցելի իր երեխաներին։ Հունվարի 3-ին է վերջին անգամ այցելել երեխաներին, այդ օրն իր ավագ տղայի ծննդյան օրն էր։ Փառանձեմին էլ տեսել ենք անցնող ուրբաթ օրը, եկել էր գյուղապետարան, դրանից առաջ էլ մենք էինք այցելել նրան։ Նա է ցանկություն հայտնել հորական գյուղից վերադառնալ մեր գյուղ»,- նշեց մեր զրուցակիցը։

 

Ծափաթաղի վարչական ղեկավարը նաև ասաց, որ տիկին Փառանձեմը նախկինում սեզոնային աշխատանք էր կատարում, աշխատանքի սեզոնը հավանաբար բացվելու է մայիսին, բայց եթե երեխաները ՀՕՖ-ից վերադառնան տուն՝ պետք է նրանց խնամքով զբաղվի, չի կարողանալու աշխատել։Ամեն դեպքում, եթե երեխաները գյուղ վերադառնան, դժվար թե կարողանա գնալ սեզոնային ախատանքի, պետք է ինչ-որ բան ինքներս նրանց համար մտածենք»,- ընդգծեց Դավիթ Գզողյանը։

 

Նշենք նաև, որ 3-ամյա Տիգրանի սպանության մեջ կասկածվում է նրա հայրը, ով գտնվում է կալանքի տակ։

 

Դեռ նախորդ տարվա նոյեմբերի 3-ին ՀՀ ՆԳ նախարար Արփինե Սարգսյանն ԱԺ-ում լրագրողների հետ զրույցում ասել էր, որ Գեղարքունիքի մարզի Ծափաթաղ բնակավայրում 3-ամյա երեխային խեղդամահ անելու միջոցով սպանել է նրա հայրը։ Ավելի ուշ Քննչական կոմիտեն հաղորդագրություն տարածեց՝ հայտնելով, որ փորձաքննության արդյունքներից պարզ է դարձել, որ 3-ամյա երեխայի մարմնի, գլխի շրջանում հայտնաբերվել են վնասվածքներ։

https://www.facebook.com/share/17fL2cze58/

Նախորդ տարի հոկտեմբերի 27-ին Գեղարքունիքի մարզի Ծափաթաղ գյուղում անհետացել էր 3-ամյա Տիգրան Օվանեսովը։ Օրեր անց, նոյեմբերի 2-ին, ժամը 15-ի սահմաններում Ծափաթաղ բնակավայրի հարակից դաշտամիջյան հատվածում փրկարարները հայտնաբերել էին երեխայի դին՝ մարմնի, գլխի շրջանում մարմնական վնասվածքներով։

 

Այս ողբերգական միջադեպից հետո 3-ամյա Տիգրան Օվանեսովի 3 եղբայրները և քույրը տեղափոխվեցին ՀՕՖ, իսկ նրանց մայրը գնաց հայրական գյուղ՝ Կախակն։

 

Ծափաթաղի վարչական ղեկավար Դավիթ Գզողյանն այսօր 168.am-ին փոխանցեց, որ երեխաների մայրն արդեն վերադարձել է Ծափաթաղի իր տուն։

 

«Տիգրանի մայրը՝ Փառանձեմը, գյուղ է վերադարձել, բայց երեխաները շարունակում են մնալ ՀՕՖ-ում։ Այս շաբաթ պետք է սոցիալական աշխատողներն այցելեն տուն, ուսումնասիրեն, հասկանան՝ ինչ փոփոխություններ կան, որպեսզի իրենք էլ հասկանան՝ երեխաներին ՀՕՖ-ից տուն բերե՞ն, թե՞ ոչ։ Եթե ամեն ինչ լավ լինի, հավանաբար երեխաներին ՀՕՖ-ից կտեղափոխեն մոր մոտ»,- նշեց Դավիթ Գզողյանը։Նրա խոսքով՝ այս պահին երեխաների մայրը չի աշխատում, տանը միայնակ է ապրում, նրան որոշակի օգնություն ցուցաբերում է համայնքապետարանը։

 

«Մեծ հնարավորություններ չունի, որպեսզի հաճախ այցելի իր երեխաներին, այստեղ էլ ենք փորձում օգտակար լինել, եթե երեխաների մնալը ՀՕՖ-ում պետք է երկարաձգվի, կօգնենք, որ հաճախ այցելի իր երեխաներին։ Հունվարի 3-ին է վերջին անգամ այցելել երեխաներին, այդ օրն իր ավագ տղայի ծննդյան օրն էր։ Փառանձեմին էլ տեսել ենք անցնող ուրբաթ օրը, եկել էր գյուղապետարան, դրանից առաջ էլ մենք էինք այցելել նրան։ Նա է ցանկություն հայտնել հորական գյուղից վերադառնալ մեր գյուղ»,- նշեց մեր զրուցակիցը։

 

Ծափաթաղի վարչական ղեկավարը նաև ասաց, որ տիկին Փառանձեմը նախկինում սեզոնային աշխատանք էր կատարում, աշխատանքի սեզոնը հավանաբար բացվելու է մայիսին, բայց եթե երեխաները ՀՕՖ-ից վերադառնան տուն՝ պետք է նրանց խնամքով զբաղվի, չի կարողանալու աշխատել։Ամեն դեպքում, եթե երեխաները գյուղ վերադառնան, դժվար թե կարողանա գնալ սեզոնային ախատանքի, պետք է ինչ-որ բան ինքներս նրանց համար մտածենք»,- ընդգծեց Դավիթ Գզողյանը։

 

Նշենք նաև, որ 3-ամյա Տիգրանի սպանության մեջ կասկածվում է նրա հայրը, ով գտնվում է կալանքի տակ։

 

Դեռ նախորդ տարվա նոյեմբերի 3-ին ՀՀ ՆԳ նախարար Արփինե Սարգսյանն ԱԺ-ում լրագրողների հետ զրույցում ասել էր, որ Գեղարքունիքի մարզի Ծափաթաղ բնակավայրում 3-ամյա երեխային խեղդամահ անելու միջոցով սպանել է նրա հայրը։ Ավելի ուշ Քննչական կոմիտեն հաղորդագրություն տարածեց՝ հայտնելով, որ փորձաքննության արդյունքներից պարզ է դարձել, որ 3-ամյա երեխայի մարմնի, գլխի շրջանում հայտնաբերվել են վնասվածքներ։

https://www.facebook.com/share/17fL2cze58/