«Իրազեկ քաղաքացիների միավորում» ՀԿ համակարգող Դանիել Իոաննիսյանի ֆեյսբուքյան գրառումը. «Ժամանակն է բացահայտել ընտրակաշառքի սխեմաների կազմակերպիչներին ու փողի աղբյուրներին։
Ընտրակաշառքը շարունակում է մնալ այս ընտրությունների հետ կապված «Անկախ դիտորդի» գլխավոր մտահոգություններից մեկը (եթե ոչ ամենագլխավորը)։
Ցավոք, ոմանք շարունակում են ընտրակաշառքը դիտարկել որպես քվե հավաքելու հիմնական միջոց, որի համար տարբեր մարզերում կազմակերպում են այդ հանցագործությունը։
Հետևապես, արդեն ժամանական է, բացահայտել ոչ միայն ինչ որ տարածքի մակարդակում փող բաժանողներին ու վերցնոզղներին, այլ այդ ամենը կազմակերպողներին ու փողի աղբյուրներին։
Այո, ընտրակաշառք վերցնողը վաճառում է բոլորիս ապագան ու պետք է նստի։ Խղճահարություն չի կարող լինել։ Բայց շատ ավելի կարևոր է բռնել այս սխեմաների խոշոր ձկներին։
Հ.Գ. Ի վերջո, ակնհայտ է, որ տեղական տասովշիկները պարզապես միջնորդ են, հո իրենց գրպանի փո՞ղը չեն բաժանում»։