Հնդկաստանում ուժեղ անձրևների և փոթորիկների հետևանքով զոհվել է առնվազն 28 մարդ, հայտնում է Hindustan Times-ը։

Ամենաշատ զոհերը գրանցվել են Ուտտար Պրադեշ նահանգում։ Երկու մարդ մահացել է կայծակի հարվածից, երեքը՝ ծառի ընկնելու հետևանքով, իսկ վեցը՝ կառուցվող կամրջի փլուզման պատճառով։

Փոթորիկը նաև բազմաթիվ կենդանիների անկման և շենքերի վնասման պատճառ է դարձել։ Արևմտյան Բենգալիա և Բիհար նահանգներում ուժեղ քամիների ու կայծակի հետևանքով զոհվել է յոթ մարդ, իսկ Մադհյա Պրադեշում՝ երեք մարդ, ևս երկուսը վիրավորվել են։

Օդերևութաբանները զգուշացնում են, որ Հնդկաստանի հյուսիսային մի շարք շրջաններում անբարենպաստ եղանակային պայմանները կարող են պահպանվել։