«Ինտերի» կիսապաշտպան Հենրիխ Մխիթարյանը շարունակում է վստահ ելույթները Իտալիայի նորընծա չեմպիոնի և գավաթակրի կազմում: Այս մասին գրում է Արմսպորտը։
Միլանյան ակումբի պաշտոնական աղբյուրները հրապարակել են մայիս ամսվա լավագույն ֆուտբոլիստի կոչմանը հավակնող խաղացողների անվանացանկը, որում պատվավոր տեղ է զբաղեցրել նաև Հայաստանի ազգային հավաքականի նախկին ավագը:
Անցած ամսվա հանդիպումներում գրանցած արդյունքների հիման վրա՝ 37-ամյա հայ կիսապաշտպանի հետ մեկտեղ այս մրցանակի համար կպայքարեն նաև թիմի առաջատարներից արգենտինացի գոլահար Լաուտարո Մարտինեսը, ֆրանսիացի հարձակվող Մարկուս Թուրամն ու խորվաթ կիսապաշտպան Պետար Սուչիչը:
Հատկանշական է, որ Մխիթարյանի բարձրակարգ խաղը աննկատ չի մնացել ակումբի ղեկավարության կողմից: Ինչպես հայտնի էր դարձել ավելի վաղ, «ներաձուրիները» գոհ են հայ ֆուտբոլիստի ֆիզիկական մարզավիճակից և պատրաստվում են ևս մեկ մրցաշրջանով երկարաձգել նրա հետ գործող աշխատանքային պայմանագիրը:
#Հերթական #ճանաչումը #Միլանում #Մխիթարյանը #կպայքարի #Ինտերի #լավագույնի #կոչման #համար
Похожие статьи
Հունիսի 3-ին մեծ հանրահավաք․ եկեք ցույց տանք մեր ուժը․ Սամվել Կարապետյան
31 Խաժակ Բասմաջյանին սպանելուց հետո, Մարինեն սպանել է 6 օրական Էլլա Բասմաջյանին և 2 տարեկան Ալեք Բասմաջյանին
Հունիսի 1-ին կենտրոնում փակ փողոցներ կլինեն
