ԱՄՆ իշխանությունները 2025 թվականի հունվարի 20-ից ի վեր երկրից արտաքսել են ավելի քան 900 հազար անօրինական ներգաղթյալի։ Այս մասին Breitbart News-ին տված հարցազրույցում հայտնել է ԱՄՆ Ներգաղթի և մաքսային հսկողության ծառայության (ICE) ղեկավարի պաշտոնակատար Դևիդ Վենտուրելլան։

Նրա խոսքով՝ Ներքին անվտանգության նախարարությունը շարունակում է ակտիվացնել անօրինական ներգաղթի դեմ պայքարը և քննարկում է արտաքսումների ծավալն ավելացնելու հնարավոր տարբերակները։

ԱՄՆ նախագահ Դոնալդ Թրամփը նախկինում հայտարարել էր, որ մինչև իր պաշտոնավարման մեկնարկը երկրում կարող էր գտնվել շուրջ 25 միլիոն անօրինական ներգաղթյալ։ Նա բազմիցս հանդես է եկել ներգաղթային քաղաքականության խստացման օգտին և խոստացել իրականացնել ԱՄՆ պատմության մեջ անօրինական ներգաղթյալների արտաքսման ամենախոշոր գործողությունը։

Աղբյուրը՝ Breitbart News