«Ուժեղ Հայաստան» կուսակցության խորհրդի անդամ, Ռոբերտ Քոչարյանի և համատեղությամբ Սամվել Կարապետյանի փաստաբան, օրերս պարզվեց նաև՝ ինքնուս երգիչ Արամ Վարդևանյանը 2026 թվականի մայիսի 13-ին ԿԸՀ է ներկայացրել (01.O4.2O25թ․- 01.O4.2026թ.) իր գույքի և եկամուտների հայտարարագիրը։ Փաստաթղթի ուսումնասիրությունից պարզ է դարռնում, որ Սամվել Կարապետյանի փաստաբանը լինելը ահագին եկամտաբեր գործ է, ինչի համար, այո, արժեր, որ Վարդևանյանը, թեկուզ զավեշտի առարկա դառնալու գնով, բայց ազատություն տա ձայնալարերին՝ երգի «Իմ Լեննական սիրուն քաղաք» երգը։

Վարդևանյանը, և ուրեմն, հածվետու ժամանակաշրջանում ամենամեծ եկամուտը՝ աշխատավարձի տեսքով, ստացել է «Տաշիր կապիտալ» ՓԲԸ-ից ստացել է 40 մլն 500 հազար դրամ։ Թե որպես ով է աշխատում հիշյալ ընկերությունում Վարդևանյանը, նշված չէ։ Հատկանաշական է, որ որպես աշխատանքի վայր հայտարարատուն նշել է իր հիմնադրած փաստաբանական գրասենյակը՝ «Ջե Փի փաստաբանական գրասենյակ» ՍՊԸ։ Իր նախկին «շեֆի»՝ Քոչարյանի ընտանիքին պատկանող «Նաիրի ինշուրանս» ՍՊԸ-ից էլ որպես աշխատավարձ նախկին պատգամավորը ստացել է մոտ 4 մլն 400 հազար դրամ։ Վարդևանյանի եկամտի հաջորդ աղբյուրը եղել է իր հիմնադրած «Ջեյ Փի» փաստաբանական գրասենյակ ՍՊԸ-ն, որտեղից ստացել է ավելի քան 6 մլն 500 հազար դրամ աշխատավարձ։ «Սթրիմ ֆորս» և «Սփեյս Մենեջմենթ» ՍՊԸ-ներից քաղաքացիաիրավական պայմանագրերով ստացել է 9-ական միլիոն դրամ, «Էրեբունի Պլազա» ՍՊԸ-ից՝ 7 մլն դրամ, «Կոնվերս Բանկ» ՓԲԸ-ից՝ (ավանդից ստացած եկամուտ) մոտ 590 հազար դրամ։

Եկամուտների վերաբերյալ երկրորդ տեղեկանքում Վարդևանյանը հայտարարագրել է Պավել Նիկոնովից ստացած ավելի քան 6 մլն 250 հազար դրամ վարձավճարը, Հովհաննես Վարդևանյանից ստացած ավելի քան 1 մլն 770 հազար դրամ նվիրատվությունը, «Ամերիա Բանկ»-ում ունեցած ավանդից ստացած մոտ 2 մլն 500 հազար դրամը, ինչպես նաև ՀՀ «Ֆինանսների նախարարությունից և ՊԵԿ-ից ստացած մոտ 9 մլն 650 դրամ վերադարձված գումարը, և իհարկե իր հիմնադրած փաստաբանական վերոհիշյալ գրասենյակից ստացած 67 մլն դրամ շահաբաժինը։ Վարդևանյանի դրամական միջոցները կազմել են 175 մլն ՀՀ դրամ և 29 հազար դոլար։

Շարժական գույք որպես «Ուժեղ Հայաստան»-ական Վարդևանյանը հայտարարագրել է BYD Yuan Pius՝ 2024 թ․ արտադրության և LEXUS RX 350՝ 2022 թ․ արտադրության։ Այս գույքերը նրան են պատկանում միանձնյա սեփականության իրավունքով։

Նշենք, որ երբ Արամ Վարդևանյանը պատգամավոր էր 2021-ին, այդ պաշտոնում լիազորությունները ստանձնելու օրվա դրությամբ հայտարարագրել էր 1 բնակարան, 2016 թ․ արտադրության 1 «Տոյոտա» ավտոմեքենա, որը գնել էր 2018-ին, 820 դրամ արժեքով 1 բաժնեմաս, մոտ 500 հազար դրամ՝ բանկային հաշիվներին, ինչպես նաև 14 մլն 500 հազար դրամ և 7 հազար ԱՄՆ դոլար կանխիկ դրամ։ Նշենք, որ Քոչարյանի փաստաբանը Ջեյ-Փի փաստաբանական գրասենյակ ՍՊԸ-ի 82 տոկոս բաժնեմասի սեփականատերն է՝ ըստ 2021 թ․-ի հայտարարագրի։

Նկատենք, որ 2017 թվականին պարոն Վարդևանյանը ՀՀԿ ցուցակով էր պատգամավորի թեկնածու առաջադրվել, և որպես թեկնածու ներկայացրած հայտարարագրում այսօր ունեցած կարողության համեմատ «մե համեստ» կարողություն է հայտարարագրել՝ «Էյ Ի Ջի» Սերվիսից ստացած 3 մլն 380 հազար դրամ և «Դուստր Մարիաննա» ՍՊԸ-ից ստացած 2 մլն 500 հազար դրամ աշխատավարձերը։ Դրամական միջոցները կազմել են 3 մլն դրամ։ Հիշեցնենք՝ 2017- 2018թթ. Արամ Վարդևանյանը եղել է նախկին վարչապետ Կարեն Կարապետյանի ավագ օգնականը։

Սա այն դեպքն է, երբ պետք է ասել՝ չլիներ հեղափոխությունը, դրան չհաջորդեին իրավա-քաղաքական զարգացումները․․․․ Վարդևանյանը հարստացողը չէ՜ր։