Վարչապետ Նիկոլ Փաշինյանը խնդիր չի տեսնում նրանում, որ Ռուսաստանը արգելել է Հայաստանից մի շարք ապրանքների արտահանումը։
«Մեր առաջ թող չդնեն ընտրություն բիբարի ու պետության միջև։ Այո՛, Հայաստանում բիբար էլ, վարդեր էլ, ծիրան էլ աճելու են ու Հայաստանից արտահանումը կրկնապատկվելու է, այդ թվում՝ ԵԱՏՄ երկրներ»:
Այս մասին Ծովինար համայնքում բնակիչների հետ հանդիպման ժամանակ հայտարարել է վարչապետն ու նշել, որ ընդդիմադիրներն են զանգում Ռուսաստան ու ասում, որ արգելեն Հայաստանից արտահանումները:
«Էս ժողովուրդը բիբարը հայրենիքի հետ փոխող ժողովուրդ չէ»,- հայտարարել է վարչապետը”
Նա նշել է, որ ինքը ԵԱՏՄ միակ պաշտոնյան է, որ ԵԱՏՄ երկու մարմնում էլ մասնակցություն ունի․
«Ես ունեմ բավարար լծակներ, որ ընտրություններից հետո ձեր վստահությանն արժանանալու դեպքում կգնամ ու հարցերը տեղում կլուծեմ»,- ասել է վարչապետն ու եզրափակել, որ Ռուսաստանի գործընկերների հետ վիճաբանության չի գնալու, բարեկամական հարաբերությունները շարունակելու են։
#Ես #կգնամ #ԵԱՏՄ #տեղում #հարցերը #կլուծեմ #Փաշինյան
