Ռուսաստանի օմնիալիքային մանրածախ առևտրի ընկերությունների ասոցիացիայի (ԱԿՈՐՏ) ղեկավար Ստանիսլավ Բոգդանովը հայտարարել է, որ հայկական արտադրանքի ներկրման ժամանակավոր սահմանափակումները չեն հանգեցնի ռուսական խանութներում խնձորի, կարտոֆիլի և մի շարք այլ ապրանքների պակասի։
Նրա խոսքով՝ խանութների տեսականին ներկայում կայուն է, քանի որ այդ ապրանքների զգալի մասը ձևավորվում է տեղական արտադրության հաշվին, իսկ ներմուծման աղբյուրները բազմազան են և կախված չեն մեկ կամ մի քանի երկրներից։
Բոգդանովը նշել է, որ խոսքը վերաբերում է հատկապես խնձորին, տանձին, չրերին, սմբուկին և կարտոֆիլին, որոնց մատակարարումների դադարեցումը, ըստ նրա, չի ազդի առաջարկի վրա։
Ավելի վաղ Ռուսաստանի գյուղատնտեսական վերահսկող մարմինը ժամանակավորապես սահմանափակել էր Հայաստանից այդ ապրանքների ներկրումը՝ պատճառաբանելով դա բուսասանիտարական վերահսկողության միջոցառումներով։ Մինչ այդ սահմանափակումներ էին կիրառվել նաև հայկական հանքային ջրի, խաղողի, ծիրանի, դեղձի, սալորի և մի շարք այլ ապրանքների նկատմամբ։
#Ռուսաստանում #գնահատել #են #հայկական #խնձորի #կարտոֆիլի #մատակարարումներից #կախվածությունը
