ԱՄՆ Կոլորադո նահանգում արջին հաջողվել է մտնել կայանված ավտոմեքենայի մեջ և ջարդուփշուր անել ավտոմեքենայի սրահը, նախքան շերիֆի օգնականը կազատեր այն։

Ջեֆերսոն շրջանի շերիֆի գրասենյակը հրապարակել է տեսագրություն, որը նկարահանել է նախալեռներ՝ դեպքի վայր ժամանած օգնականը: «Օ՜, էստեղ արջ կա»,- լսվում է, թե ինչպես է խոսում տեղակալը՝ պատուհանից դուրս նայելով։ Շերիֆի օգնականը պարանով անվտանգ հեռավորությունից բացել է ավտոմեքենայի դուռը և ազատել արջին։

Գազանը հասցրել է ամբողջությամբ ոչնչացնել ավտոմեքենայի սրահը՝ նախքան դուրս կպրծներ այնտեղից։

«Զգուշացում. տեղական արջերը կարող են խնդիրներ առաջացնել ձեզ համար,- ասված է գերատեսչության ֆեյսբուքյան էջում։ -Արջերը կարողանում են թափանցել ավտոմեքենաներ, բայց դրանցից դուրս գալու հարցում այնքան էլ ճարպիկ չեն։ Դա լավ հիշեցում է ավտոմեքենաները փակ պահելու մասին, նույնիսկ երբ տանն եք։

Բացի դրանից, արջերը կարող են հոտոտել ձեր ավտոմեքենայում թողած ցանկացած նախուտեստ, այնպես որ մի՛ գայթակղեք արջերին՝ ձեր ավտոմեքենան նրանց համար բուֆետի վերածելով»։