Հունիսի 7-ին, խոշոր ու ողբերգական ավտովթար է տեղի ունեցել Սյունիքի մարզում։ Shamshyan.com-ի տվյալներով՝ ժամը 15։15-ի սահմաններում Գորիս-Կապան ավտոճանապարհի 38-րդ կմ հատվածում, ժողովրդին հայտնի «Սատանի կամրջի» մոտ «Jeep Compass» մակնիշի ավտոմեքենան դուրս է եկել ճանապարհի երթևեկելի գոտուց և մի քանի պտույտ գլորվելով գլխիվայր հայտնվել ծառերի մեջ։

Ողբերգական ավտովթարի հետևանքով կյանքից հեռացել են ամուսիններ՝ Հարություն Հարությունյանը և Ազնիվ Գևորգյանը, նրանց որդին՝ Հայկ Հարությունյանը, ինչպես նաև Հարությունի եղբոր որդին՝ Տիգրան Հարությունյանը։

Ֆոտոլրագրողի տեղեկությունները հաստատվել է, որ ավտոմեքենայի մեջ եղել են Կապանի փոխհամայնքապետ Մարատ Հարությունյանի տղան, եղբայրը և եղբոր ընտանիքը։

Մարզկենտրոն Կապանի ֆեյսբուքյան խմբերից մեկում հայտնել են, որ Հոգեհանգիստը տեղի կունենա հունիսի 9֊ին’ Կապանի Սուրբ Մեսրոպ Մաշտոց եկեղեցում’ ժամը 18։00֊ից։ Հուղարկավորությունը տեղի կունենա հունիսի 10֊ին նույն վայրից։