Աղբյուր

Առողջապահության նախարար Անահիտ Ավանեսյանը ճեպազրույցի ժամանակ ասաց, որ 65 տարեկանից բարձր քաղաքացիները, ովքեր նախկինում ամսական միջինը մոտ 20 հազար դրամ էին ծախսում դեղերի վրա, այժմ ազատված են այդ ծախսերից՝ դրանք հոգում է պետությունը։

Նրա խոսքով, 2026 թվականի հունվարի 1-ից Համընդհանուր առողջության ապահովագրության համակարգի շրջանակներում 65+ մարդիկ կստանան զգալի ֆինանսական խնայողություններ։ Տարիների ընթացքում կուտակված առողջական խնդիրները վերջապես լուծում են ստանում։

65 տարեկանից բարձր քաղաքացիների համար տրամադրվում են դեղեր, որոնք ամբողջությամբ փոխհատուցվում են պետության կողմից։ Կա նաև մատչելի դեղերի ցանկ, իսկ որոշների համար գործում է համավճարի համակարգ։