Նոր ջրագծին զուգահեռ նաև հինն է գործել՝ ապօրինի միացումներով. խողովակաշարն ամբողջությամբ խցափակվել է
Երևանի Քանաքեռ-Զեյթուն վարչական շրջանի Ֆանարջյան փողոցում ջրակորստի կասկած է եղել:
Այս մասին հայտնել է «Վեոլիա Ջուր» ընկերությունը:
«Մի քանի օր «Զեյթուն» շահագործման տեղամասն աշխատում էր ջրակորստի տեղը գտնելու ուղղությամբ. որոնողական աշխատանքների արդյունքում պարզվեց, որ փողոցի նոր կառուցված ջրագծին զուգահեռ գործում էր նաև հին՝ 600 մմ տրամաչափի ջրագիծը, որից ջուր էր ստանում հարևանությամբ գտնվող Ֆանարջյանի անվան ուռուցքաբանության ազգային կենտրոնը, և որի վրա առկա էին մի շարք ապօրինի միացումներ։
Որոշվեց ամբողջությամբ խցափակել տվյալ խողովակաշարը, և հիվանդանոցի ջրամատակարարումն իրականացնել այլ ջրագծից:
Արդյունքում հաջողվեց դադարեցնել վայրկյանում մինչև 15 լիտր ջրի կորուստ, որը նպաստեց Ֆանարջյան և Ծ արավ-Աղբյուր փողոցների ջրի ճնշման կարգավորմանը»,- ասվում է հաղորդագրության մեջ:
#Նոր #ջրագծին #զուգահեռ #նաև #հինն #գործել #ապօրինի #միացումներով #խողովակաշարն #ամբողջությամբ #խցափակվել