«Սրանց նմանները հետո դառնում են պատուհաս մեր գլխին ու իրանց անգրագիտությամբ ապականում են և՛ համակարգը, և՛ խնդիրներ են ստեղծում քաղաքացիների համար»,- LIVEnews-ի եթերում ասել է իրավագիտության դոցենտ, փաստաբան Գևորգ Պետրոսյանը՝ անդրադառնալով երեկ ՀՀ 3-րդ նախագահ Սերժ Սարգսյանի գործով դատական նիստի ժամանակ մեղադրող դատախազի ելույթում պարբերաբար օգտագործված «հանցակիցներ» տերմինին։ «Արդյոք սա չի նշանակում, որ 3-րդ նախագահն իբր թե «հանցագործ է», իսկ մյուսները՝ հանցակիցներ: Հանրային մեղադրողը, որը պետական մեղադրանք ա պաշտպանում, չի հասկանո՞ւմ, որ հանցակից լինում են հանցագործության մեջ մեղավոր ճանաչված անձի հետ կապակցվող անձինք։ Այստեղ խախտվում է Սահմանադրության 66-րդ հոդվածը, անձը անմեղ է, քանի դեռ նրա մեղավորությունն ապացուցված չէ օրենքով նախատեսված կարգով և դատարանի դատավճիռով»,- ասում է նա՝ նշելով, որ Սերժ Սարգսյանին որպես հանցագործ ճանաչելու վերաբերյալ դատարանի դատավճիռ չկա․ «Բա էլ ի՞նչ հանցակցության մասին է խոսքը։ Ամոթ ա, էս մարդը ի՞նչ գործ ունի դատախազությունում, ես չգիտեմ էլ ով ա, կարող ա դաս էլ եմ տվել, չեմ հիշում։ Սա անմեղության կանխավարկածի սկզբունքի կոպտագույն խախտում է և բնականաբար անգրագիտության արտահայտում․․․ Էս ձեռքս կոտրվեր, դրանց գնահատական չդնեի»։