Իրավապաշտպան Արթուր Սաքունցի ֆեյսբուքյան գրառումը․ «Սա այն դեպքն է, որի հնարավորության և վտանգի մասին բազմիցս ահազանգել ենք:
     ՌԴ-ի կողմից ակնհայտ քաղաքական նկատառումներով քրեական հետապնդման հիման վրա Հայաստանի Հանրապետությունում այլ պետության, տվյալ դեպքում Վրաստանի Հանրապետության քաղաքացի է ձերբակալվում, այնուհետև կալանավորվում, դեռ մի հատ էլ ՌԴ-ն հանձնման պահանջ է ներկայացրել ՀՀ իշխանություններին։
     Պատկերացնում եք, Հայաստանը պետք է հանձնի ՌԴ-ին Վրաստանի քաղաքացուն, այն հիմքով, որ նա մասնակցել է Ուկրաինայի կողմից Ռուսաստանի սանձազերծած պատերազմում։
     Ու ի՞նչ, հիմա Հայաստանի Հանրապետությունը կարող է համարվել անվտանգ պետությո՞ւն։
     Իհարկե ոչ, քանի դեռ թեկուզ նման մեկ դեպք է հնարավոր։
     Անհապաղ պետք է ազատել Վրաստանի Հանրապետության քաղաքացուն և թույլ տալ նրա վերադարձը իր պետություն՝ Վրաստան»: