«Երեխան մահացել է օրերս Դիլիջանում տեղի ունեցած ավտովթարի հետևանքով… Հիշեցնեմ որ՝ ես գրել էի՝ մի քանի ամիս առաջ էլ այս նույն երեխան խեղդվելիս է եղել լողավազանում, և տևական ժամանակ էլ հիվանդանոցում էր ու բժիշկները պայքարում էին նրա կյանքի համար. ու հրաշքով փրկեցին կյանքը… Որը հետո խլեց ավտովթարը…»,- այս մասին գրում է ֆեյսբուքյան օգտատեր Թեհմինե Գրիգորյանը։

Հիշեցնենք, որ այսօր հայտնի է դարձել, որ ավտովթարի հետևանքով մահացել է ԲԴԽ նախկին նախագահ Գագիկ Ջհանգիրյանի թոռնիկը՝ Տիգրանը։ Այս մասին հաղորդում են լրատվամիջոցները:

Հոգեհանգիստը տեղի կունենա Կոնդի սուրբ Հովհաննես եկեղեցում՝ սեպտեմբերի 19-ին՝ ժամը 18:00-ին, իսկ հուղարկավորությունը՝ սեպտեմբերի 20-ին, ժամը 13:00-ին:

Հիշեցնենք, որ ավելի վաղ հայտնել էինք, որ օգոստոսի 30-ին խոշոր ավտովթար էր տեղի ունեցել Տավուշի մարզում։ Վթարի հետևանքով 10 հոգի վիրավորվել էր, որոնցից 4-ը երեխաներ էին։