Աստված Ձեզ հետ, մեր հայ զինվորներ…բարով գնաք, բարով ՝գաք…տղաները մեկնեցին ծառայության. լուսանկարներ

tavushmedia.am-ը գրում է. «Այսօր ձե՛ր հերթն է՝ ստանձնելու հայրենիքի պաշտպանության սուրբ գործը». ձմեռային զորակոչը շարունակվում է:

2025 թվականի ձմեռային զորակոչը շարունակվում է։ Հունվարի 19-ին Բերդ համայնքից պարտադիր ժամկետային զինվորական ծառայության է մեկնել զորակոչիկների հերթական խումբը:

«Սիրելի՛ զորակոչիկներ, այսօր ձե՛ր հերթն է՝ ստանձնելու հայրենիքի պաշտպանության սուրբ գործը: Վստահ եմ, որ այն իրականացնելու եք արժանապատվորեն, քանի որ ձեր երակներով հոսում է քաջ տավուշեցու արյունը: Խնդրում եմ ձեզ, եղեք զգոն, հոգատար՝ միմյանց ու հայրենիքի նկատմամբ: Թող Աստծո օրնհությունն ու մեր աղոթքները պաշտպան լինեն ձեզ»,- նշել է Բերդ համայնքի ղեկավար Աստղիկ Հակոբյանը:

Բերդի համայնքապետը, դիմելով զորակոչիկների ծնողներին, իր երախտագիտությունն է հայտնել հայրենասեր զավակներ դաստիարակելու համար:

Լուսանկարները՝ Բերդի համայնքապետարանից։