ԱԺ «Քաղաքացիական պայմանագիր» խմբակցության պատգամավոր Անուշ Քլոյանը«Ֆեյսբուք»-ի իր էջում անդրադարձել է Փարաքարի համայնքապետի սպանության վերաբերյալ շահարկումներին և մեկնաբանություններին:

«20 տարվա քրեական դիկտատուրան սպանեց քաղաքացիներին․ ոչ մի քննություն չարվեց, ապացույցներ կեղծվեցին, իսկ ՄԻԵԴ-ը հաստատեց՝ պետությունն է մեղավոր։

Ռոբասեռժալևոնական շրջանակներից ոչ ոք չխոսեց, Քոչարյանն էլ փախավ լրագրողի հարցից։ Իսկ այսօր նույն խամաճիկները զոհերի ցավը շահարկում են՝ Փարաքարի ողբերգությունը կապելով իշխանության հետ։ Սա ոչ միայն ցինիզմ է, այլև անարգանք զոհերի ու նրանց հարազատների նկատմամբ։

Ավելի վաղ հայտնել էինք, որ ժամը 23։52-ին ՆԳՆ ոստիկանություն ահազանգ է ստացվել, որ Արմավիրի մարզի Մերձավան բնակավայրի Երևանյան խճուղում կրակոցներ են հնչել։ Նախնական տվյալներով՝ կան 2 զոհ, 1 վիրավոր։

Մահացածներից մեկը համայնքի ղեկավար Վալոդյա Գրիգորյանն է։

Վարչապետ Նիկոլ Փաշինյանը խստորեն դատապարտել է տեղի ունեցածը և ընդգծել. «ՀՀ իրավապահները պարտավոր են շուտափույթ բացահայտել հանցագործության մեջ ներգրավված բոլոր անձանց»։