Մեր իշխանությանը շատ բաների համար կարելի է մեղադրել, բայց մենք ո՛չ մարդ ենք ծեծnւմ, ո՛չ մարդ uպանnւմ. Սիմոնյան
«Այո՛, խնդիրներ կան, այո՛, իրավապահները պետք է հետևություն անեն, և այո՛, դա խնդիր է: Այն, ինչ տեղի է ունեցել, կատեգորիկ վատ բան է․ դա մի դուռ է, որը բացել և նույնիսկ այդ դռանը մոտենալ չէր կարելի»:
Այս մասին ԱԺ-ում լրագրողների հետ զրույցում ասել է ԱԺ նախագահ Ալեն Սիմոնյանը՝ անդրադառնալով Փարաքարի համայնքապետ Վալոդյա Գրիգորյանի սպանությանը:
«Շատ ցավում եմ, ևս մեկ անգամ ցավակցում եմ հարազատներին և համարում եմ, որ մեր իրավապահները պետք է առնվազն շատ արագ բացահայտեն»,- ասել է նա:
Սիմոնյանը բացառել է, որ սպանության քաղաքական պատվեր կարող էր լինել:
«Մեր իշխանությանը շատ բաների համար կարելի է մեղադրել, բայց մենք ո՛չ մարդ ենք ծեծում, ո՛չ էլ մարդ ենք սպանում: Բացառում եմ, որ քաղաքական ենթատեքստ կարող է ունենալ: Շատ հարգանքով ենք մոտեցել ընտրություններին, հարգանքով ենք մոտեցել համայնքի ղեկավարին որպես անձ, որևիցե անախորժություն, քննարկում չեն եղել: 99 տոկոս հավանականությամբ միջանձնային նախապատմություն ունեցող խնդիր է»,- նշել է ԱԺ նախագահը:
#Մեր #իշխանությանը #շատ #բաների #համար #կարելի #մեղադրել #բայց #մենք #ոչ #մարդ #ենք #ծեծnւմ #ոչ #մարդ #uպանnւմ #Սիմոնյան