Արեգնազ Մանուկյանի պատգամավորական լիազորությունները դադարեցված են. Սիմոնյանը ստորագրել է արձանագրությունը
ԱԺ նախագահ Ալեն Սիմոնյանը պատգամավոր Արեգնազ Մանուկյանի՝ պատգամավորի լիազորությունները դադարած համարելու մասին արձանագրություն է ստորագրել:
«Հիմք ընդունելով պատգամավորի հրաժարականի մասին դիմումը և առաջնորդվելով «Ազգային ժողովի կանոնակարգ» սահմանադրական օրենքի 154-րդ հոդվածի 1-ին մասի 6-րդ կետի և 155-րդ հոդվածի 2-րդ մասի 2-րդ կետի պահանջներով՝ դադարած համարել «Հայաստան» կուսակցությունների դաշինքի համապետական ընտրական ցուցակով ընտրված պատգամավոր Արեգնազ Մանուկյանի՝ պատգամավորի լիազորությունները»,- ասվում է ՀՀ ԱԺ նախագահի ստորագրած արձանագրության մեջ:
Ավելի վաղ «Հայաստան» խմբակցության պատգամավոր Արեգնազ Մանուկյանը հայտարարել էր ԱԺ պատգամավորի մանդատը վայր դնելու մասին:
#Արեգնազ #Մանուկյանի #պատգամավորական #լիազորությունները #դադարեցված #են #Սիմոնյանը #ստորագրել #արձանագրությունը