Ռուսաստանը հոկտեմբերի 1-ին մեկ ամսով ստանձնել է ՄԱԿ-ի Անվտանգության խորհրդի նախագահությունը՝ փոխարինելով Հարավային Կորեային։

Ավելի վաղ Ռուսաստանի արտգործնախարար Սերգեյ Լավրովը հայտարարել էր, որ իր պաշտոնավարման ընթացքում Ռուսաստանը կկենտրոնանա «Բոսնիա և Հերցեգովինայի վերաբերյալ Դեյթոնի համաձայնագրերի կատարման» հարցը քննարկելու վրա։

Բացի այդ, հոկտեմբերի 24-ին ռուսական կողմը նախատեսում է անցկացնել հատուկ հանդիպում՝ ՄԱԿ-ի կանոնադրության կատարումը վերանայելու համար։

ՄԱԿ-ի ԱԽ-ում նախագահությունն իրականացնում են նրա անդամները՝ հերթականությամբ: Յուրաքանչյուր նախագահ պաշտոնավարում է մեկ ամիս: