Հшնգստավայրերից մեկում 12 մшրդ է մшհացել

Վրաստանի Գուդաուրի առողջարանային քաղաքի ռեստորաններից մեկում 12 մարդու մահացած են գտել։

Մահացածների մարմինների վրա բռնության հետքեր չեն հայտնաբերվել։ Ըստ երկրի Ներքին գործերի նախարարության, մահացածներից 11-ը «օտարերկրյա քաղաքացիներ են»։

Դիակները հայտնաբերվել են ռեստորանի առանձին սենյակում, որտեղ նրանք քնած են եղել։ Ենթադրվում է, որ բոլոր մահացածները հաստատության աշխատակիցներ են։

Նրանց մահվան պատճառները դեռ հայտնի չեն, Վրաստանի ոստիկանությունը հետաքննություն է սկսել` «անզգուշությամբ մահ պատճառելու» հոդվածով։

Հաղորդվում է, որ ռեստորանում եղել է «աշխատող գեներատոր», որը միացվել է էլեկտրաէներգիայի ժամանակավոր բացակայության պատճառով։

Գուդաուրին լեռնադահուկային հանգստավայր է, որը գտնվում է Թբիլիսիից 120 կմ հեռավորության վրա:

2018 թվականին հանգստավայրում ճոպանուղու վթարի հետևանքով 11 մարդ էր տուժել։