Գենադի Նիլովը հոկտեմբերի 1-ին կդառնար 89 տարեկան։ Նա մահացավ իր ծննդյան օրվանից երկու օր առաջ։ Այսօր նրա ընտանիքը Սանկտ Պետերբուրգում հոգեհանգստի արարողություն է կազմակերպել Գենադի Պետրովիչի համար։ «3+2» ֆիլմի աստղը կհուղարկավորվի Պրիոզերսկում։ Հայտնում է Spletnik-ը:

Հրաժեշտ տվողները չէին կարողանում զսպել արցունքները, ջերմ խոսքեր էին ասում, նշում, թե որքան ազնիվ և արդար մարդ էր Գենադի Պետրովիչը։

Գենադի Նիլովը աշխատել է «Լենֆիլմում» 1970-ական և 1980-ական թվականներին՝ նկարահանվելով բազմաթիվ խորհրդային ֆիլմերում: Սակայն հանդիսատեսը նրան ամենից շատ հիշում և սիրում էր «3+2» ֆիլմից: Այս ֆիլմում Նիլովի խաղընկերների թվում էին Անդրեյ Միրոնովը, Նատալյա Ֆատեևան, Նատալյա Կուստինսկայան և Եվգենի Ժարիկովը։

Գենադի Նիլովն ավարտեց իր կարիերան 1993 թվականին, երբ նա և «Լենֆիլմի» շատ այլ աշխատակիցներ ազատվեցին աշխատանքից։ Երկրորդ կնոջ հետ դերասանը տուն գնեց Լենինգրադի մարզի լճի ափին և սկսեց զբաղվել իր տնտեսությամբ։