Վարչապետի աշխատակազմի ղեկավար Արայիկ Հարությունյանը «Ֆեյսբուք»-ի իր էջում գրառում է արել՝ անդրադառնալով համացանցում տարածվող ձայնագրությանը, որում խոսում են Նաթան արքեպիսկոպոս Հովհաննիսյանը և Գարեգին Բ-ի նախկին գավազանակիր Աղան աբեղա Երնջակյանը:

Ձայնագրության բովանդակությունից հասկացվում է այն, որ Գարեգին Բ-ն եկեղեցականներին ստիպել է մասնակցել հակաիշխանական ցույցերին, որի դեմ որոշ հոգևորականներ ընդվզել են:

«Ինչո՞վ են նրանք զբաղված… Ամեն ինչով, բացի իրենց առաքելությունից: Հայդե միտինգ, տավարիշչ հոգևորական: Քո տեղը Ռոբերտ Քոչարյանի ու Սամվել Կարապետյանի կողքին է, ասում է Կտրիճ Ներսիսյանը:

Վստահ եմ՝ 100 տոկոսով համոզված եմ, որ, օրինակ, Արշակ «սրբազանը» Կտրիճ Ներսիսյանին մյուս «սրբերի» ձերբակալումը զեկուցելիս ասած կլինի՝ «էն Տեր Արամը գնացել բ**զություն է արել, գյոզալ տղեքին ձերբակալել են»:

ՈՒ սա չափազանցություն չէ, նրանց իմացողները սա կհաստատեն, սրանք գողական ռազբորկեքի անբաժանելի մաս են, ինչը քաղցկեղ է մեր եկեղեցու համար: Բուժել է պետք»,- գրել է Հարությունյանը: