ԱՍՏՎԱԾԱՇՆՉՅԱՆ 5 մեջբերում, որոնք ուժ կտան Ձեզ ապրել և արարել…

Երբեմն մեր հոգին հյուծվում է, երբ թվում է՝ կյանքն իր բոլոր ծանրությամբ սեղմում է ուսերիդ։ Այդ պահերին, երբ խոսքերն ավելի թանկ են դառնում, քան ամեն թանկարժեք նվերը, Աստվածաշունչը կարող է դառնալ այն լույսը,որն առաջնորդում է դեպի խաղաղություն, ուժ ու ոգեշնչում։ Այս հոդվածում ներկայացնում ենք Աստվածաշնչյան հինգ մեջբերում, որոնք ոչ միայն զորացնում են հոգին, այլ նաև մղում են դեպի արարում, հավատք և հույս։

1. «Ամեն բան կարող եմ ինձ զորացնող Քրիստոսով»։
Փիլիպպեցիներին 4:13

Այս խոսքն ուժի, վստահության ու հավատքի հիանալի աղբյուր է։ Երբ թվում է՝ ուժերդ սպառվել են, հիշիր՝ Քրիստոսը քո մեջ է։ Նա կար ող է քո անհնարինը դարձնել հնարավոր։ Ճշմարիտ հավատքն անսահման զորություն ունի։

2. «Որովհետև ես գիտեմ այն խորհուրդները, որ խորհում եմ ձեր մասին,- ասում է Տերը,- բարօրության խորհուրդներ և ոչ թե չարի քի, որպեսզի ձեզ ապագա և հույս տամ»։
Երեմիա 29:11

Այս հատվածը հիշեցնում է՝ մենք մենակ չենք այս աշխարհում։ Աստված ունի ծրագիր յուրաքանչյուրիս համար։ Նույնիսկ ամենամռայլ պահերին Նա պատրաստ է առաջնորդել դեպի լույսը՝ տալով ապագա և հույս։

3. «Մի վախեցիր, որովհետև Ես քեզ հետ եմ. մի զարհուրիր, որովհետև Ես քո Աստվածն եմ. Ես կզորացնեմ քեզ, Ես կօգնեմ քեզ, Ես կպահեմ քեզ Իմ արդարության աջով»
Եսայի 41:10

Վախը՝ մարդու ամենամեծ թշնամիներից է։ Բայց այս խոսքը փարոս է, որ լուսավորում է կյանքի մութ ծալքերը։ Աստված խոստանում է՝ միշտ մեր կողքին է, եթե մենք միայն հավատանք և վստահենք նրան։

4. «Ով որ հույսը դնում է Տիրոջ վրա, նա նորոգում է իր զորությունը. նրանք կթռչեն՝ ինչպես արծիվները, կվազեն և չեն հոգնի, կքայլ են և չեն նսեմանա»
Եսայի 40:31

Սա հիշեցում է այն մասին, որ հոգու հուսահատությունը հնարավոր է բուժել միայն երկնքից իջած ուժով։ Աստծուն ապավինողը չի տկա րանում։ Նա կվերածնվի նոր ուժով, ինչպես արծիվն իր թռիչքի պահին։

5. «Սիրո մեջ վախ չկա. բայց կատարյալ սերը դուրս է քշում վախը»
Ա Հովհաննես 4:18

Սերը՝ Աստծո ամենաբարձր դրսևորումն է։ Երբ սիրտդ լի է սիրով՝ Աստծո, մարդկանց և կյանքի հանդեպ, վախն ու անորոշությունը նահանջում են։ Սերն՝ ուժ է, շարժիչ ուժ՝ ապրելու և արարելու։

Վերջաբան

Աստվածաշնչյան խոսքերը միայն կրոնական տեքստեր չեն։ Դրանք հնագույն ժամանակներից եկող ուղերձներ են՝ ուղղված հոգուդ, որ ապրի լիարժեք, ստեղծագործաբար և վստահ։ Երբ հոգիդ թուլանում է, հիշիր այս խոսքերը։ Դրանք լռության մեջ լսվող սփոփանքն են, ու թեև գրությամբ են փոխանցված, բայց կյանքի ուժ ունեն։

Թող հավատքը միշտ ուղեկից լինի, իսկ սրտիդ մեջ մշտապես ապրի հույսը։