Հայաստանի հավաքականը Եվրոպայի երիտասարդների և մինչև 23 տարեկանների առաջնություններում երրորդ ոսկե մեդալն է նվաճել:

Ալբանիայի Դուրրես քաղաքում ընթացող երիտասարդների Եվրոպայի առաջնության 71 կգ քաշային կարգում Հայաստանի ընտրանու անդամ Տիգրան Կարապետյանը պոկում վարժությունում հաջորդաբար բարձրացրել է 131 կգ, 136 կգ ու 145 կգ: Վերջին մոտեցումով հայ ծանրորդը Եվրոպայի նոր ռեկորդ է սահմանել:Այս վարժությունում Կարապետյանն առաջինն է:

Հրում վարժությունում Տիգրան Կարապետյանը բարձրացրել է 166 կգ, այնուհետ 172 կգ ու 176 կգ`սահմանելով ԵԱ-ի նոր ռեկորդ: Այստեղ ևս նա առաջինն էր:

Երկամարտի 321 կգ արդյունքով` Տիգրան Կարապետյանը դարձավ Եվրոպայի երիտասարդների չեմպիոն: