OpenAI ընկերությունը հայտարարել է, որ ChatGPT-ն դադարեցնում է կոնկրետ խորհուրդներ տալ առողջության և իրավունքի ոլորտներում։ Այժմ օգտատերերին հասանելի է միայն ընդհանուր բնույթի տեղեկատվություն՝ հավաքված բաց աղբյուրներից։

Բացի այդ, ChatGPT-ն այլևս չի վերլուծում բժշկական հետազոտություններ, ինչպես օրինակ ռենտգեն կամ ՄՌՏ արդյունքները։

Ընկերության հայտարարությամբ՝ այս քայլը նպատակ ունի նվազեցնել սխալ ախտորոշման կամ ոչ ճիշտ իրավական որոշումների ռիսկը։ OpenAI-ը հորդորում է օգտատերերին բժշկական կամ իրավական հարցերի դեպքում դիմել համապատասխան մասնագետների՝ բժշկի կամ փաստաբանի։

Մասնագետների կարծիքով՝ նման սահմանափակումները կարող են դառնալ տարածված մոտեցում նաև արհեստական բանականության ոլորտի այլ խոշոր ընկերությունների շրջանում՝ ապահովելու պատասխանատու և անվտանգ օգտագործում։