Նյու Յորքի Լա Գարդիա օդանավակայանում թռիչքուղու վրա բախվել են երկու ուղևորատար ինքնաթիռներ։ New York Post-ը հայտնել է, որ ոչ ոք չի տուժել։

Դեպքը տեղի է ունեցել շաբաթ երեկոյան։ Ֆլորիդայից ժամանած United Airlines ավիաընկերության ինքնաթիռը շարժվում էր աշտարակի ուղղությամբ, երբ անհայտ պատճառով բախվել է մեկ այլ United Airlines ավիաընկերության ինքնաթիռի՝ թևով կտրելով ինքնաթիռի պոչը։

Մյուս ինքնաթիռը միջադեպի պահին կանգնած էր՝ սպասելով Հյուստոն թռիչքի համար նախատեսված թռիչքուղու քարշակմանը։

Երկու ինքնաթիռներում էլ եղել է մոտ 350 մարդ։ Ինքնաթիռները քարշակվել են թռիչքուղիներից, իսկ ուղևորներն ու անձնակազմը դուրս են բերվել երկու ինքնաթիռներից։ Մասնագետները հետաքննում են ինքնաթիռի պոչի կտրման հետևանքով կրած վնասի չափը։

Ինչպես նշում է հրատարակությունը, միջադեպը տեղի է ունեցել Լա Գւարդիա օդանավակայանում զգալի ուշացումների ֆոնին։ Սրանք հիմնականում առաջացել էին մինչև 70 կմ/ժ արագությամբ ուժեղ քամիներից, բայց կարող են նաև պայմանավորված լինել ԱՄՆ կառավարության շարունակվող շաթդաունի պատճառով, որը հանգեցրել է աշխատակազմի պակասի։