Բեռլինի Բրանդենբուրգի միջազգային օդանավակայանի գործունեությունը ժամանակավորապես դադարեցվել է հոկտեմբերի 31-ի լույս նոյեմբերի 1-ի գիշերը՝ անհայտ անօդաչու թռչող սարքի պատճառով:

Միջադեպի հետևանքով բազմաթիվ չվերթներ ուղղվել են այլ օդանավակայաններ: Ուշացումներ են գրանցվել նաև մեկնման և վայրէջքի ժամանակ:

Ավելի վաղ՝ հոկտեմբերի 2-ի և 3-ի երեկոյան Մյունխենի օդանավակայանը՝ Գերմանիայի երկրորդ խոշորագույնը, ստիպված է եղել դադարեցնել գործունեությունը անհայտ անօդաչու թռչող սարքերի հայտնվելու պատճառով: Bild-ը, հղում անելով ոստիկանության գաղտնի զեկույցին, հայտնել է, որ դրանք ռազմական հետախուզական անօդաչու թռչող սարքեր են եղել: