«Ես չեմ հասկանում, որ ամուսնալուծությունից հետո կարան երեխայի հետ չշփվեն»
Մանե Գրիգորյանը խոսել է ամուսնալուծության, միայնակ մոր կարգավիճակի բարդությունների և իր դստեր ու նախկին ամուսնու հարաբերությունների մասին․ Ամբողջական նյութը՝ առաջին մեկնաբանության մեջ
Հեռուստածրագիրը լուսաբանեց ոչ միայն մայրության մասին, այլև ծնող-երեխա հարաբերությունների նրբություններն ու առանձնահատկությունները։
Երբ հաղորդավարուհի Հերմինեն հետաքրքրվեց՝ որքան դժվար է միայնակ մայր լինելը, Մանեն անկեղծությամբ պատասխանեց.
«Ինձ համար դժվար չէ, որովհետև Կայան պարբերաբար հանդիպում է հորը, և մենք միասին կարողանում ենք լրացնել իրար բացը։
Ինքս՝ լինելով հոր դստրիկ, ուրախ եմ տեսնել, որ նրանց միջև ջերմ կապ է ձևավորվել։ Ոչ ոք չի կարող փոխարինել հայրական սիրուն, և կարծում եմ՝ շատ կարևոր է, որ այդ հարաբերությունը պահպանվի։
Հայրերը աղջիկների ամուր հենարանն են, ու ես երբեք չեմ հասկանա այն ծնողներին, որոնք ամուսնալուծությունից հետո դադարում են շփվել իրենց երեխաների հետ»։
Նախորդ հարցազրույցներից մեկում Մանեն անդրադարձել էր նաև ծնողավարության կարևոր թեմաներին՝ թե ինչպես երեխայի համար տունը դարձնել ապահով հանգրվան, զարգացնել գովասանքով ու սիրով, ճիշտ ուղորդել մասնագիտության ընտրության հարցում և ընդհանրապես՝ պահպանել երեխաների հետ փոխվստահության մթնոլորտը։
Նա պատմում է. «Կայան արդեն 12 տարեկան է, բայց վաղ տարիքից դարձավ իմ ամենամտերիմ ընկերուհին։ Մենք միասին ենք մեծացել։
Նա տեղեկացված է թե՛ իմ աշխատանքից, թե՛ թատրոնում կամ հեռուստատեսությունում տեղի ունեցող իրադարձություններից։
Երբ մտածում եմ ճանապարհորդության կամ որևէ միջոցառման մասին, առաջինը Կայային եմ ասում, որովհետև մեր զրույցներն ու ընդհանուր տպավորությունները ինձ շատ թանկ են։
Հուսով եմ՝ իմ մեջ նա կգտնի այն վստահելի ընկերուհուն, ում հետ միշտ ազնիվ կլինի ու երբեք չի վախենա բացվել»։
Մանեն նշում է, որ երբեք երեխային չի ծանրաբեռնում «չի կարելի»-ներով, բայց նաև սահմաններ կան, որոնք պետք է պահպանվեն.
«Շատերն ասում են՝ Կայան դաստիարակված է, շնորհակալություն քեզ։ Բայց ես հաճախ պատասխանում եմ՝ այդպիսին է ծնվել։ Իհարկե ծնողի դերը կարևոր է, բայց բնավորությունը նույնպես շատ է որոշում։
Մի ընտանիքում կարող են լիովին տարբեր բնավորություններով երեխաներ լինել։ Ես ուրախ եմ, որ մեր կապը ուժեղ է, և նա ինձ ամեն ինչ պատմում է»։
Նա հիշում է նաև մի զգացմունքային պահ. «Կայան մինչև 10 տարեկանը նույն սենյակում էր քնում ինձ հետ։
Մի պահ մտածում էի՝ միգուցե դա արդեն երկար է տևում, բայց երբ նա ինքնուրույն որոշեց տեղափոխվել իր սենյակ, ինձ համար մեծ սթրես էր։
Դա մի փոքր բաժանում էր, ու ես հասկացա՝ որքան արագ է անցնում ժամանակը։
Ես ունեմ հարազատ եղբայր, ու մենք միշտ ցանկացել ենք, որ մեծ ընտանիք ունենանք։ Երազել եմ ունենալ երեք-չորս երեխա։ Ու մինչ այժմ սրտումս ապրում է այն մտահոգությունը, որ Կայան մենակ չմեծանա։
Շատ եմ ուզում, որ նա ունենա քույր կամ եղբայր, քանի որ երեխաների միջեւ եղած կապը ընտանիքը դարձնում է ավելի ամուր ու ջերմ»։
#Ես #չեմ #հասկանում #որ #ամուսնալուծությունից #հետո #կարան #երեխայի #հետ #չշփվեն #Մանե #Գրիգորյան
