Ջենթլմենի գեղեցիկ դիմակի հետևում սարսափելին էր թաքնված․ Անի Օհանյան

Ջենթլմենի գեղեցիկ դիմակի հետևում սարսափելին էր թաքնված․ Անի Օհանյանը առաջին անգամ խոսել է իր ամուսնության և բաժանության իրական պատճառների մասին

Նա իր ինստագրամյան էջում հրապարակում է արել, նշելով ամուսնական կյանքի շղարշված կողմերի մասին։

Նա գրել է․ Իմ ուղին երբեք հարթ չի եղել։ Վախը, պայքարը և լռության մեջ ապրելու ցավը ուղեկցել են ինձ։ Ես սիրահարվել էի մարդուն, ով ինձ թվում էր անթերի՝ քնքուշ ժպիտով ու վարվելաձևով։

Սակայն այդ արտաքին շղարշի հետևում թաքնված էր մի իրականություն, որից սարսափում էի։

Մեր հարաբերությունների սկիզբը կարծես մի հեքիաթ լիներ, որը բոլորին ապշեցրեց։ Մենք սիրո խորհրդանիշ էինք շատերի աչքում։ Բայց ժամանակի ընթացքում ճշմարտությունը սկսել էր դուրս գալ ստվերից։

Ամեն նոր օր սկսվում էր մտավախությամբ՝ արդյոք նա այսօր բարի կլինի, թե… նորից նվաստացնող խոսքեր, հարվածներ կամ սպառնալիք, որ կզրկի ինձ երեխայից։

Ես ինձ համոզում էի, որ կարող եմ փրկել մեր ընտանիքը։ Հավատում էի, որ սերը կփոխի նրան։ Բայց բռնությունը խորանում էր։

Նա չէր գիտակցում, թե ինչպես է քանդում ինձ՝ օր առ օր։ Ես հոգեպես կոտրվում էի, բայց շարունակում էի հույս ունենալ։

Ժամանակի ընթացքում հասկացա՝ սերը չպետք է ցավ պատճառի։ «Կներես»-ը չէր բուժում վերքերը, այն պարզապես հերթական փուլն էր բռնության շրջանի մեջ։ Այսօր ես ունեմ ուժ խոսելու։

Ժպտում էի՝ թաքցնելով ցավը լուսանկարների ու մարդկանց հետևում։ Բայց իրականությունը ծվարում էր փակ դռների ետևում։ Այս պատմությունը միայն իմը չէ։

Այն խոսք է՝ ուղղված բոլոր այն կանանց, ովքեր լռում են։ Դուք արժանի եք սիրո, որն ուժ է տալիս, ոչ թե կոտրում։