Օրերս Երևանը հյուրընկալեց ճանաչված երգիչ Վալերի Մելաձեին, ով հերթական անգամ վաստակեց իր հայ երկրպագուների սերը և հիացմունք…Բացառիկ մանրամասները ստորև՝
Երևանի Կարեն Դեմիրճյանի անվան մարզահամերգային համալիրում կայացած համերգը դարձավ իսկական երաժշտական տոն։
Համերգը համախմբեց տարբեր սերունդների մարդկանց, ովքեր միասին երգում էին Մելաձեի հին ու նոր հիթերը։ Սակայն երեկոյի ամենազգացմունքային պահերից մեկը եղավ այն ժամանակ, երբ երգիչը կատարեց Արցախին նվիրված երգ։
Այդ պահը լցվեց խոր հուզումով․ հանդիսատեսը լռությամբ ու ակնածանքով ընդունեց երգչի այդ քայլը, ինչը ոչ միայն բարձրացրեց համերգի հոգևոր մակարդակը, այլև ամրապնդեց հայ-վրացական մշակութային կապի ջերմությունը։
Համերգից հետո Մելաձեն չշտապեց հեռանալ։ Նա հանդիպեց իր երկրպագուներին, ովքեր եկել էին նվերներ հանձնելու և ստորագրություններ վերցնելու։ Այս անկաշկանդ ու ջերմ մթնոլորտում, ի պատիվ իր նվիրված հանդիսատեսի, Վալերի Մելաձեն կատարել է Սևակ Խանաղյակի «Արցախ» երգից մի հատված։ Այդ ակնթարթը շատերի համար դարձավ համերգի գագաթնակետը։
Վալերի Մելաձեի երևանյան ելույթը ոչ միայն երաժշտական իրադարձություն էր, այլև մարդկային ջերմության, համերաշխության ու մշակութային միասնության խորհրդանիշ։ Նրա երգը՝ նվիրված Արցախին, կրկին հիշեցրեց բոլորին, որ երաժշտությունը խոսում է այն լեզվով, որը հասկանալի է բոլոր սրտերին։
