Երևան քաղաքում մայիսի 13-15-ը, 16-ի գիշերը ժամանակ առ ժամանակ սպասվում են անձրև և ամպրոպ, 13-15-ը՝ առանձին հատվածներում հորդառատ։ Ամպրոպի ժամանակ սպասվում է նաև քամու ուժգնացում 15-18 մ/վ արագությամբ: Մայիսի 16-ի ցերեկը, 17-ին սպասվում է առանց տեղումների եղանակ։

Հանրապետության տարածքում մայիսի 16-ի ցերեկն առանձին շրջաններում սպասվում են կարճատև անձրև և ամպրոպ։ Մայիսի 13-15-ը, 16-ի գիշերը ժամանակ առ ժամանակ հանրապետության ողջ տարածքում սպասվում են անձրև և ամպրոպ։ Մայիսի 15-ին առանձին հատվածներում անձրևները կլինեն հորդառատ։ Սպասվում է նաև կարկուտ։

Մայիսի 17-ին սպասվում է առանց տեղումների եղանակ։

Քամին՝ հարավարևմտյան՝ 2-5 մ/վ, ամպրոպի ժամանակ՝ քամու ուժգնացում՝ 18-23 մ/վ արագությամբ։

Օդի ջերմաստիճանը մայիսի 13-15-ը աստիճանաբար կնվազի 8-10 աստիճանով, 16-17-ը՝ աստիճանաբար նույնքան կբարձրանա։