Ճապոնիան նախատեսում է 250 մլն յեն դրամաշնորհ տրամադրել օդի որակի մոնիթորինգի սարքավորումների ձեռքբերման համար
Շրջակա միջավայրի նախարարի տեղակալ Վահե Դավթյանն ընդունել ՀՀ-ում Ճապոնիայի դեսպան Ն․Գ․ պարոն ԱՈԿԻ Յուտակային:
Ինչպես հայտնել են նախարարությունից, հանդիպման ընթացքում նախարարի տեղակալը կարևորել է Ճապոնիայի կառավարության կողմից ցուցաբերվող վստահությունը, շարունակական մասնագիտական աջակցությունը և փոխվստահության վրա հիմնված համագործակցությունը՝ ընդգծելով, որ երկրների գործընկերությունն ունի երկարաժամկետ տեսլական և միտված է ոչ միայն առկա խնդիրների արդյունավետ լուծմանը, այլև համակարգային և կայուն զարգացման խթանմանը։
Դեսպանը փոխանցել է Ճապոնիայի Գյուղատնտեսության, անտառտնտեսության և ձկնաբուծության նախարարի ուղերձը՝ շնորհակալություն հայտնելով «Անհետացման եզրին գտնվող վայրի բուսական և կենդանական աշխարհի տեսակների միջազգային առևտրի մասին» կոնվենցիայի Կողմերի 20-րդ համաժողովի (CITES-COP20) շրջանակում ցուցաբերված համագործակցության համար, որը տեղի է ունեցել Ուզբեկստանի Սամարղանդ քաղաքում։
Հանդիպմանը քննարկվել է նաև ՀՀ և Ճապոնիայի միջև «Տնտեսական և սոցիալական զարգացում» դրամաշնորհի համաձայնագիրը հաստատելու վերաբերյալ նախագահի հրամանագրի նախագծի մասին կառավարության որոշման նախագիծը։ Համաձայնագրով նախատեսվում է ՀՀ կառավարությանը տրամադրել 250.0 մլն ճապոնական յեն դրամաշնորհ (շուրջ 1.6 մլն ԱՄՆ դոլար)՝ «ՇՄ Հիդրոօդերևութաբանության և մոնիթորինգի կենտրոն» ՊՈԱԿ-ի համար օդի որակի մոնիթորինգի կայանների սարքավորումներ ձեռք բերելու նպատակով։
Դրամաշնորհի շրջանակում նախատեսվում է արդիականացնել դիտացանցի 3 դիտակայան՝ ժամանակակից, ավտոմատ չափումներ ապահովող ճապոնական Horiba սարքավորումներով։
Ամփոփելով հանդիպումը՝ նախարարի տեղակալ Վահե Դավթյանը վստահեցրել է, որ համատեղ նոր նախաձեռնությունների, ժամանակակից տեխնոլոգիական լուծումների և կարողությունների զարգացման միջոցով գործընկերությունը շարունակաբար կնպաստի Հայաստանի դիմակայունության ամրապնդմանը և հանրային անվտանգության մակարդակի բարձրացմանը։
Շրջակա միջավայրի նախարարի տեղակալ Վահե Դավթյանն ընդունել ՀՀ-ում Ճապոնիայի դեսպան Ն․Գ․ պարոն ԱՈԿԻ Յուտակային:
Ինչպես հայտնել են նախարարությունից, հանդիպման ընթացքում նախարարի տեղակալը կարևորել է Ճապոնիայի կառավարության կողմից ցուցաբերվող վստահությունը, շարունակական մասնագիտական աջակցությունը և փոխվստահության վրա հիմնված համագործակցությունը՝ ընդգծելով, որ երկրների գործընկերությունն ունի երկարաժամկետ տեսլական և միտված է ոչ միայն առկա խնդիրների արդյունավետ լուծմանը, այլև համակարգային և կայուն զարգացման խթանմանը։
Դեսպանը փոխանցել է Ճապոնիայի Գյուղատնտեսության, անտառտնտեսության և ձկնաբուծության նախարարի ուղերձը՝ շնորհակալություն հայտնելով «Անհետացման եզրին գտնվող վայրի բուսական և կենդանական աշխարհի տեսակների միջազգային առևտրի մասին» կոնվենցիայի Կողմերի 20-րդ համաժողովի (CITES-COP20) շրջանակում ցուցաբերված համագործակցության համար, որը տեղի է ունեցել Ուզբեկստանի Սամարղանդ քաղաքում։
Հանդիպմանը քննարկվել է նաև ՀՀ և Ճապոնիայի միջև «Տնտեսական և սոցիալական զարգացում» դրամաշնորհի համաձայնագիրը հաստատելու վերաբերյալ նախագահի հրամանագրի նախագծի մասին կառավարության որոշման նախագիծը։ Համաձայնագրով նախատեսվում է ՀՀ կառավարությանը տրամադրել 250.0 մլն ճապոնական յեն դրամաշնորհ (շուրջ 1.6 մլն ԱՄՆ դոլար)՝ «ՇՄ Հիդրոօդերևութաբանության և մոնիթորինգի կենտրոն» ՊՈԱԿ-ի համար օդի որակի մոնիթորինգի կայանների սարքավորումներ ձեռք բերելու նպատակով։
Դրամաշնորհի շրջանակում նախատեսվում է արդիականացնել դիտացանցի 3 դիտակայան՝ ժամանակակից, ավտոմատ չափումներ ապահովող ճապոնական Horiba սարքավորումներով։
Ամփոփելով հանդիպումը՝ նախարարի տեղակալ Վահե Դավթյանը վստահեցրել է, որ համատեղ նոր նախաձեռնությունների, ժամանակակից տեխնոլոգիական լուծումների և կարողությունների զարգացման միջոցով գործընկերությունը շարունակաբար կնպաստի Հայաստանի դիմակայունության ամրապնդմանը և հանրային անվտանգության մակարդակի բարձրացմանը։
#Ճապոնիան #նախատեսում #մլն #յեն #դրամաշնորհ #տրամադրել #օդի #որակի #մոնիթորինգի #սարքավորումների #ձեռքբերման #համար,