Սուպեր Սաքոն Մեքսիկայից շտապ տեղափոխվել է Երևան

Ամերիկաբնակ հայտնի հայ ռեփեր Սուպեր Սաքոն կեսգիշերին Մեքսիկայից շտապ Երեւան է տեղափոխվել. ռեփերի մենեջեր Լիլիթ Գալստյանի խոսքով՝ նրա մոտ սրտի ցավ եւ ծակոցներ են եղել: Երգիչն անմիջապես տեղափոխվել է Աստղիկ ԲԿ, որտեղ նրան սրտի անոթների ստենտավորում են կատարել:

NEWS.am STYLE-ի հետ զրույցում Լիլիթ Գալստյանը նշեց, որ երգչի վիրահատությունը լավ է անցել եւ նա իրեն արդեն լավ է զգում: