Շատ բարի, լավ տղա էր…Մասրիկ գետում խեղդված հայր և որդին ապրել են հենց գետի հարևանությամբ
Մասրիկ գետում խեղդված հայր և որդին ապրել են հենց գետի հարևանությամբ։ Կինը, տեսնելով, որ նրանք երկար ժամանակ չեն վերադարձել, և կասկածելով, որ մի բան այն չէ, սկսել է փնտրել նրանց և դիմել է օգնության։ Դրանից հետո գետից հայտնաբերվել են 23-ամյա Սարիբեկ Առաքելյանի և նրա հոր՝ 58-ամյա Արթուր Առաքելյանի մարմինները։
Oragir.News-ն այս մասին գյուղի բնակիչներից տեղեկանալով, կապ հաստատեց Մեծ Մասրիկ գյուղի դպրոցի տնօրեն Աննա Գասպարյանի հետ։ Վերջինս ասաց, որ դեպքը ցնցել է ողջ գյուղը։
«Անհավատալի է, ուղղակի։ Շատ լավ ընտանիք է՝ 2 տղա ունեն, երկուսն էլ աշխատասեր, արարող, հարգված, մշտապես բոլորին օգնող։ 23-ամյա Սարոն ընտանիքի փոքր տղան է եղել, իմ դասղեկական դասարանից։ Մասնակցել է 44-օրյա պատերազմին։ Շատ բարի, լավ տղա էր։ Գյուղից ում էլ հարցնեք՝ կփաստեն, որ իրենք շատ լավ ընտանիք են։ Մենք նույնիսկ դպրոցում չեղարկել ենք «Վերջին զանգը» որպես հարգանքի նշան նրան և նրա ընտանիքին»,- նշեց Գասպարյանը։
Ամբողջությամբ՝ սկզբնաղբյուր կայքում:
#Շատ #բարի #լավ #տղա #էրՄասրիկ #գետում #խեղդված #հայր #որդին #ապրել #են #հենց #գետի #հարևանությամբ
