Հաճելի էր վարչապետի կողմից ընտրվել որպես միակ արտիստ՝ ելույթ ունենալու 7000 պետական գործչի համար. Մուկուչյան
Երգչուհի Իվետա Մուկուչյանն «Ինստագրամ»-ի իր էջի սթորի բաժնում հոլովակ է հրապարակել և կից գրել․
«Եկեք չքաղաքականացնենք, բայց հաճելի էր վարչապետի կողմից ընտրվել որպես միակ արտիստ՝ ելույթ ունենալու ՀՀ պետական մարմինների ներկայացուցիչների առաջին համաժողովի ժամանակ՝ 7000 պետական գործիչների համար»։
Մեկ այլ հրապարակմամբ երգչուհին նշել է․
«Մեր երկրի ղեկավարն այսօր ֆորում է անցկացրել բոլոր քաղաքական կուսակցությունների հետ, և ես պատիվ ունեցա ելույթ ունենալ որպես միջոցառման միակ երաժշտական մաս»։
Հիշեցնենք՝ Կարեն Դեմիրճյանի անվան մարզահամերգային համալիրում տեղի է ունեցել ՀՀ պետական մարմինների ներկայացուցիչների առաջին համաժողովը։
Միջոցառմանը ներկա են եղել Հանրապետության նախագահ Վահագն Խաչատուրյանը, վարչապետ Նիկոլ Փաշինյանը, Ազգային ժողովի նախագահ Ալեն Սիմոնյանը, Սահմանադրական դատարանի նախագահ Արման Դիլանյանը, օրենսդիր, գործադիր, դատական, իրավապահ, տարածքային կառավարման և տեղական ինքնակառավարման, անկախ և ինքնավար մարմինների, հատուկ ծառայությունների ներկայացուցիչներ, զինծառայողներ, ոստիկաններ, փրկարարներ, կրթական, մշակութային, առողջապահական հաստատությունների աշխատակիցներ, ուսանողներ, աշակերտներ, ավելի քան 7 հազար մարդ:
#Հաճելի #էր #վարչապետի #կողմից #ընտրվել #որպես #միակ #արտիստ #ելույթ #ունենալու #պետական #գործչի #համար #Մուկուչյան,