Ավելի վաղ հայտնել էինք, որ ԱՄՆ-ում կյանքից անժամանակ հեռացել է դերասան, շոումեն, պրոդյուսեր Լևոն Տեր- Պետրոսյանը։

Պարզվել է, որ 2025 թվականի օգոստոսի վերջին Լևոնի մոտ ախտորոշվել էր հաստ աղիքի քաղցկեղի 4-րդ փուլ, որը արդեն տարածվել էր նաև լյարդի վրա։

 

Չնայած ծանր ախտորոշմանը՝ Լևոնը երբեք չի հանձնվելՆույնիսկ այդ ամենից հետո նրա ոգին չի կոտրվել։

 

Նա փորձել է բուժման բոլոր հնարավոր տարբերակները և, ի վերջո, վերադարձել Հայաստան՝ բուժումը շարունակելու համար, երբ Միացյալ Նահանգներում այլևս այլընտրանք չի եղել։

 

Bavnews.am-ի տեղեկությունների համաձայն՝ նրա մարմինը կտեղափոխվի Միացյալ Նահանգներ՝ Լոս Անջելես, որտեղ էլ նա կհուղարկավորվի ընտանիքի կողքին՝ Ֆորեսթ Լոուն Հոլիվուդ Հիլզ գերեզմանատանը։ Հուղարկավորության արարողության վերաբերյալ այլ մանրամասները կհայտարարենք առաջիկա օրերիԴերասանը կյանքի վերջին օրերն անցկացրել է Հայաստանում՝ շրջապատված իր ամենամտերիմ մարդկանցով։

Նրա կողքին էին ընկերներն ու գործընկերները՝ Դավիթ Թովմասյան, Գոռ Կիրակոսյան, Արտակ Հովսեփյան, Արամ MP3, Ռաֆայել Երանոսյան, ինչպես նաև «Վիտամին ակումբի» անդամները։

 

Դերասան և պրոդյուսեր Արմեն Պետրոսյանը իր սոցիալական էջում գրառում է կատարել՝ ներկայացնելով հոգեհանգստի արարողության մանրամասները։Նա հրապարակել է դերասանի լուսանկարը՝ կից գրելով․

«Լևոն Տեր Պետրոսյանի հոգեհանգստի պատարագը տեղի կունենա ժամը 16։30-ին, Կոնդի Սուրբ Հովհաննես եկեղեցում»։