Բյուրեղավանում խմելու ջրի հետ կապված որևէ շեղում չի հայտնաբերվել։ Այս մասին հայտարարություն է տարածել «ՎեոլիաՋուր» ընկերությունը։

«Կատարված քիմիական հետազոտությունների՝ ներառյալ մնացորդային քլորի չափումները ցույց են տվել, որ դրանք նորմայի սահմաններում են»,- նշվում է հայտարարության մեջ։

Ավելի վաղ հաղորդել էինք, որ այսօր Բյուրեղավանից մի շարք բնակիչներ տեղափոխվել են տարբեր հիվանդանոցներ՝ ջերմության, փսխման, փորլուծության նշաններով։