Ընտանեկան բժիշկ Ջոնաթան Ուեբսթերը կարծում է, որ օրգանիզմի ջրի պահանջը տարբերվում է՝ կախված տարիքից: Metro-ին տված հարցազրույցում նա ներկայացրել է կյանքի տարբեր փուլերում հեղուկի օրական պահանջը:

Մասնագետի խոսքով՝ չորսից ութ տարեկան երեխաները օրական կարիք ունեն 1.2 լիտր ջրի: Դեռահասները ավելի շատ հեղուկների կարիք ունեն. տղաների համար խորհուրդ է տրվում օրական 1.6-1.9 լիտր, իսկ աղջիկների համար՝ մոտ 1.5 լիտր: 60 տարեկանից փոքր չափահաս տղամարդիկ օրգանիզմի բնականոն գործունեության համար օրական կարիք ունեն մոտ երկու լիտր ջրի, իսկ կանայք՝ 1.6 լիտրի:

Վեբստերը հավելել է, որ հեղուկի պահանջը տարիքի հետ չի նվազում, սակայն ծարավի զգացողությունը նվազում է, ուստի 60 տարեկանից բարձր մարդկանց համար կարևոր է գիտակցաբար պահպանել հեղուկի հավասարակշռությունը: Նա խորհուրդ է տվել օրական միջինում խմել 1.6-ից 2 լիտր հեղուկ:

Բժիշկը նշել է, որ ինքը միջին թվեր է մեջբերել։ Նա պարզաբանել է, որ անհատական ​​նորման հաշվարկելու համար պետք է հաշվի առնել նաև կլիման, ֆիզիկական ակտիվությունը և ընդհանուր առողջական վիճակը։