«Թոշակառուների սոցիալական իրավիճակի հետ կապված ամենակարևոր նորությունը 2026 թվականին գալիս է. 65 տարեկանից բարձր անձանց համար Կառավարությունը ձեռք կբերի առողջապահության ապահովագրության փաթեթ»,- լրագրողների հետ ճեպազրույցում ասաց վարչապետ Նիկոլ Փաշինյանը:

Փաշինյանն անդրադառնալով աղքատության խնդրին՝ ասաց. «Այսօր Հայաստանում կան բազմաթիվ մարդիկ, ովքեր հացի խնդիր ունեն, բայց ես առերեսվում եմ նաև մեկ այլ փաստի հետ, երբ մենք ամեն օր հաց ենք տալիս այդ մարդկանց, հաջորդ օրն ինչ է փոխվում նրանց կյանքում՝ ոչ մի բան:

Այսօր Հայաստանում կան հազարավոր ընտանիքներ, որ տասը և ավելի տարի անապահովության համակարգից օգտվում են: Մենք աղքատության հաղթահարման այն կոնցեպտները, որոնք 30 տարի օգտագործում ենք՝ արդյունավետ չեն: Աղքատությունը հնարավոր է հաղթահարել միայն աշխատանքի միջոցով, իսկ լավ վճարվող աշխատանք կարելի է ունենալ միայն համապատասխան կրթություն ունենալու դեպքում: Եթե ոչ թե մի հաց տանք ամեն օր մեր սիրելի հայրենակիցներին, այլ երկու, կամ պանիր էլ, միս էլ, թթվասեր էլ, մեկ է նրանց կյանքում ոչ մի բան չի փոխվում»: