Դոնալդ Թրամփի վարչակազմը հայտարարել Է փախստականների ընդունման քվոտայի կտրուկ կրճատման մասին. այժմ ԱՄՆ-ն տարեկան կընդունի ոչ ավել, քան 7,5 հազար մարդ: Այս մասին հայտնում է Reuters-ը։

Սա ամերիկյան վերաբնակեցման ծրագրի՝ պատմության մեջ ամենացածր ցուցանիշն է, քանի որ նախկինում սահմանը կազմում էր 125 հազար: Նոր կանոններն ուժի մեջ են մտել հոկտեմբերի 1-ից։

Ինչպես նշում է Սպիտակ տունը, հատուկ ուշադրություն է դարձվելու «անօրինական կամ անարդար խտրականության զոհերին», մասնավորապես, Հարավային Աֆրիկայի սպիտակամորթ բնակիչներին: Ավելի վաղ Թրամփը ՀԱՀ-ի իշխանություններին մեղադրել էր «սպիտակամորթ բնակչության ցեղասպանության» մեջ:

Միևնույն ժամանակ, սպիտակամորթ հարավաֆրիկացիները դեռ զգալիորեն ավելի հարուստ են ապրում, քան երկրի սևամորթ քաղաքացիների մեծ մասը. նրանց միջին եկամուտը մոտ երեք անգամ բարձր է:

Դրան զուգահեռ, Սպիտակ տան ղեկավարը կարգադրել է չեղարկել Աֆղանստանի, Հայիթիի, Վենեսուելայի և մի շարք այլ երկրների քաղաքացիների համար ժամանակավոր պաշտպանության կարգավիճակը, որոնք ավելի վաղ ԱՄՆ-ում ժամանակավորապես ապրելու և աշխատելու իրավունք էին ստացել: