Ամերիկացի Ֆրեդ Սինգլթոնը, որը 42 տարի մահապատժի էր սպասել, 81 տարեկան հասակում մահացել է բնական մահով բանտային հիվանդանոցում, հաղորդում է Associated Press-ը՝ հղում անելով Հարավային Կարոլինայի ուղղիչ հիմնարկների դեպարտամենտին։

«Հարավային Կարոլինայի բանտարկյալը, որը 42 տարի անցկացրել է մահապատժի սպասման մեջ, մահացել է բնական պատճառներով բանտային հիվանդանոցում», – գրում է գործակալությունը։

Նշվում է, որ տղամարդը մահապատժի է դատապարտվել դեռևս 1983 թվականին՝ բռնաբարության, սպանության և գողության համար։

Նա նահանգում ամենաերկարը մահապատժի դատապարտված կալանավորն էր, քանի որ դատարանը որոշել էր, որ նա պիտանի չէր մահապատժի համար՝ հոգեկան առողջության հետ կապված խնդիրների պատճառով, որոնք նրան թույլ չէին տալիս հասկանալ մոտալուտ մահապատիժը: Մասնավորապես, նա կարող էր միայն «այո» կամ «ոչ» պատասխանել իր փաստաբանների հարցերին: Այնուամենայնիվ, նրան չէին կարող ստիպել դեղորայք ընդունել՝ իր հոգեկան վիճակը բարելավելու համար՝ մահապատժի ենթարկվելու նպատակով, ուստի նրա մահապատիժը ուժի մեջ մնաց։