«Հանուն Հանրապետության» կուսակցության առաջնորդ Արման Բաբաջանյանը «Ֆեյսբուք»-ի իր էջում անդրադարձել է Սամվել Կարապետյանի օտարերկրացի փաստաբան Ռոբերտ Ամստերդամի այն հայտարարությունը, որում նա ասում է, թե Հայաստանին գրոհելու են ամենօրյա ռեժիմով, մինչև Կարապետյանին չազատեն:

Ամստերդամը հայտարարությունն արել է՝ ձեռքը խփելով սեղանին:

«Օտարերկրացի փաստաբանի կողմից ներքաղաքական բնույթի հայտարարություն անելն անթույլատրելի է և հակասում է նրա կարգավիճակին։ Նա գտնվում է Հայաստանում իրավական, ոչ թե քաղաքական գործառույթ իրականացնելու նպատակով։

Նման վարքագիծը խախտում է մասնագիտական էթիկան և պետության ինքնիշխանությունը։ Արձագանքը պետք է լինի իրավական․Փաստաբանների պալատը՝ կարգապահական վարույթի, իսկ ԱԳՆ-ն ու միգրացիոն մարմինները՝ մուտքի արգելքի կամ արտաքսման գործընթացի նախաձեռնմամբ։

Ես ընդհանրապես չեմ քննարկում Սամվել Կարապետյանին մեղսագրվող արարքներին, մեղադրանքին, իրավաչափությունը։ Նրա փաստաբանները, այդ թվում՝ Ամստերդամը, կարող են և պետք է խոսեն այդ մասին։ Բայց երբ իրավական մանդատ ունեցող օտարեր երկրի քաղաքացի հանդիսացող փաստաբանն քաղաքական հայտարարություններ է անում, դա դառնում է ոչ թե պաշտպանություն, այլ միջամտություն երկրի ներքին գործերին։

2007-ին, երբ անազատության մեջ էի, ֆրանսիահայ իմ փաստաբաններին հստակ արգելել եմ որևէ քաղաքական բնույթի հայտարարություն անել։ Իրավականը չպետք է խառնվի քաղաքականին»,- գրել է նա: